• जोतीलाल पंडित
वीरगञ्ज । नेपालीहरुकाे महान चाँड बडा दशैं आइतबारदेखि सुरु भएको छ । आश्विन शुक्ल प्रतिपदाका दिनदेखि सुरु हुने बडा दशैंकाे पहिलाे दिन घरघरमा जौ, मकै, गहुँ आदिको जमरा राखी घटस्थापना गर्ने गरिन्छ । घटस्थापना कै दिनदेखि नवरात्री समेत सुरु हुन्छ ।
नवरात्रीकाे पहिलाे दिन पर्साकाे विभिन्न स्थानामा कलश यात्रा निकालिएकाे छ । केही समय यतादेखि आएर पर्सामा सामुहिक रुपमा नवरात्री गर्ने चलनमा वृद्धि समेत भएकाे छ । सामुहिक रुपमा नवरात्री गर्नेहरु पहिलाे दिन कलश यात्रा समेत निकाल्दै आएका छन् ।
वीरगञ्ज महानगरपालिका वडा नं १६ नगवा फूलवारी टोलमा नवरात्रिको पहिलो दिन आइतबार भव्य रूपमा कलश यात्रा निकालिएको छ । सयाैंकाे श्रद्धालुहरुकाे सहभागितामा निकालिएकाे कलश यात्रा गाउँ समेत परिक्रमा गरेकाे थियाे ।
फूलवारी टोलमा कलश यात्रा निकालिएको दुर्गा पूजा समिति अध्यक्ष परमेश्वर झाले जानकारी दिए ।
