वीरगञ्ज,०७ असोज । वीरगञ्ज महानगर पालिका वडा न.२ स्थित छ्पकैया नेपाली समाजको बैठक आज सम्पन्न भएको छ ।
छ्पकैया नेपाली समाजको अध्यक्ष धिरज कुमार शर्माको अध्यक्षतामा आज बसेको बैठकले विभिन्न निर्णय गरि बैठक सम्पन्न भएको छ ।
बैठकमा समाजले २०८० सालमा के के काम गर्ने भन्ने बारे छलफल भएको थियो ।छलफलमा हिन्दु धर्मावलम्बीहरुको महान पर्व बिजयादशमिको अवसर पारेर यहि असोज १२ गते शुक्रबार बिहान ७:०० बजेदेखि शन्सारीमाई मन्दिर सरसफाइ गर्ने निर्णय गरेको थियो ।
त्यसैगरि रक्तदान कार्यक्रम , निसुल्क स्वास्थ्य शिबिर , निसुल्क आँखा शिबिर , निसुल्क दन्त शिबिर , कपडा बितरण , कम्बल बितरण , ब्युटिशियन तालिम , शिलाई कटाई तालिम , अचार बनाउने तालिम , बाल शिक्षा , प्रौढ शिक्षा , विभिन्न सङ सस्था र सरोकारवालाहरु सङ्ग समन्वय गरि समाजमा रहेको बिकृति बिसङ्गती विरुद्ध जनचेतनामूलक कार्यक्रम गर्ने समेत निर्णय गरेको समाजका अध्यक्ष शर्माले जानकारी दिनुभयो ।
सो बैठकमा समाजका सल्लाहकार धुर्वसिंह ठकुरी , प्रेम कुमारी सिंह , दिपक कुमार शर्मा , उपाध्यक्ष प्रबीण बिक्रम शाह , सचिव अजित भुजेल , सदस्य सुनिल सुवेदी , प्रकाश कुमार शाह , कृष्ण बहादुर कार्की , शम्भु बहादुर थापा क्षेत्री लगायतको उपस्थिति रहेको थियो ।
