•जोतीलाल पंडित
वीरगञ्ज । मधेस प्रदेश सरकारका श्रम तथा यातायात मन्त्री चन्दन सिंहले वीरगञ्जस्थित यातायात व्यवस्था कार्यालयको आकस्मिक अनुगमन गरेका छन् । शुक्रवार दिउँसो यातायात व्यवस्था कार्यालयमा पुगेर मन्त्री सिंहले आकस्मिक अनुगमन गरेकाे छन् ।
कार्यालयको अनुगमन गर्दै उनले कार्यालयलाई डिजिटलाईजेशन बनाईने बताएका छन । यातायात कार्यालयको लाईसेन्स र सवारी शाखा दुबै कार्यालयको अनगुमन गर्दै मन्त्री सिँहले कार्यालयमा भएका फाईलहरुको अवस्था दयनिय भएको बताए । उनले चाँडै नै यातायात कार्यालय वीरगञ्जको लागि नयाँ भवना बनाईने बताए । वीरगञजमै कार्यालयको लागि जग्गा खोजिसकिएको तथा त्यहाँ ताराबार लगाउने कार्यसमेत गरिसकिएकोले भवन पनि चाँडै निर्माण हुने जिकरि गरे ।
मन्त्री सिँहले प्रदेश सरकारले छिटै नै बजेटको ब्यावस्था गरेर स्मार्ट कार्ड छपाई तथा बितरणको कार्य गर्ने बताउदै त्यसका लागि ३० करोड रकम छुटयाइएको जानकारी दिए । उनले प्रदेशले आफैले स्मार्ट छाप्ने मेशिन र बितरणको प्रक्रिया शुरु गर्न गईरहेको पनि बताए ।
सेवाग्राहीहरुको काम छिटो छरितो होस भनेर प्रदेश सरकारले आठवटै जिल्लामा यातायात कार्यालयका शाखा खोलेर काम अघि बढाएको मन्त्री सिँहको भनाई थियो । अनगुमनको क्रममा कार्यालयका कर्मचारीले बितेको र चालु आर्थिक बर्षमा प्रदान गरेको सेवा र उठाएको राजश्वको बारेमा मन्त्री सिँहलाई जानकारी गराएका थिए ।
त्यसक्रममा मन्त्री सिंहले सवारी चालक अनुमतिपत्र लाइसेन्सका लागि अनलाइनबाटै आवेदन दिन सकिने व्यवस्था गरिएपनि सेवाग्राहीले सास्ती भोग्दै आएको व्यापक गुनासो आईरहेकाले यसतर्फ ध्यान दिन कर्मचारीलाई निर्देशन दिए ।
अनुगमनमै रहेका बेला मन्त्री सिंहसँग सेवाग्राहीहरुले यातायात कार्यालयको बेथिति र सास्ती बारे गुनासो गरेका थिए ।
अनुगमनका क्रममा मन्त्री सिंहसंगै जनमत पार्टीका पर्सा इन्चार्ज माधव सिंह, जिल्ला संयोजक ओमप्रकाश सर्राफ, महानगर युवा अध्यक्ष संजय सिंह लगायतको पनि सहभागीता थियो ।
