बारा । बारा प्रहरीले विभिन्न स्थानबाट बरामद करिब चार क्युन्टिल ३० किलो शुक्रवार गाँजा खाल्डोमा पुरेर नष्ट गरेको छ ।
प्रहरीले विभिन्न मिति र स्थानबाट बरामद गरेको लागुऔषध गाँजालाई जिल्ला प्रहरी कार्यालय बाराले कलैया स्थित कार्यालय परिसरमा सरोकारवाला तथा संचारकर्मीहरुको रोहवरमा नष्ट गरेको हो ।
अबैध रुपमा चोरी पैठारी गरेर लागिरहेको गाँजा बरामदपछि कार्यालयमा सुरक्षित राखिएको थियो । सोही लागुऔषध गाँजा प्रहरीले खाल्डो खनेर गाँजा हालेर माटो पुरेर नष्ट गरेको प्रहरी प्रवक्ता एवम् डिएसपी दधिराम न्यौपाने बताएका छन ।
सो अवसरमा बाराका प्रमुख जिल्ला अधिकारी नवराज सापकोटा, प्रहरी उपरीक्षक सुरेश काफ्ले, नेपाल पत्रकार महासंघ बाराका अध्यक्ष रेशम तिवारी लगायतको उपास्थिति रहेको थियो ।सभार : साझेदारी डेली
आफ्नो प्रतिक्रिया दिनुहोस
