वीरगञ्ज । वीरगञ्ज महानगरपालिकाको सामाजिक विकास समितिको संयोजकमा कन्हैया ठाकुर मनोनित भएका छन् । वीरगञ्ज महानगरपालिकाका प्रमुख राजेशमान सिंहले ठाकुरलाई सामाजिक विकास समितिको संयोजकमा मनोनित गरेका हुन् ।
स्थानीय सरकार सञ्चालन ऐन २०७४ को दफा १४ अनुसार मेयर सिंहले ठाकुरलाई संयोजकमा मनोनित गरेका हन् । संयोजकमा मनोनयन गरिएको पत्र आइतबार मेयर सिंहले ठाकुरलाई प्रदानसमेत गरेका छन्।
नेपाली कांग्रेसका तर्फबाट महानगरपालिकाको कार्यपालिका सदस्यमा मनोनित ठाकुर, कांग्रेसका महाधिवेशन प्रतिनिधीसमेत हुन् ।
समितिको संयोजकमा मनोनित भएपछि प्रतिक्रिया दिदैं ठाकुरले महानगरपालिकाले आफुलाई दिएको जिम्मेवारी इमान्दारीतापूर्वक निर्वाह गर्ने बताएका छन् ।
आफ्नो प्रतिक्रिया दिनुहोस
