बारा । बाराकाे कलैयास्थित जिल्ला प्रहरी कार्यालयमा आइतबार रक्तदान कार्यक्रम सम्पन्न भएकाे छ । प्रहरी कार्यालय परिसरमा भएकाे रक्तदान कार्यक्रममा ६८ जनाले रक्तदान गरेका छन् ।
नेपाल प्रहरी श्रीमती संघको ३९औं वार्षिकोत्सवको अवसरमा आयोजित कार्यक्रममा एक महिलासहित ६८ जनाले रक्तदान गरेका हुन् ।
प्रादेशिक अस्पताल कलैया र नेपाल रेडक्रस सोसाइटीको प्राविधिक सहयोगमा आयाेजित रक्तदान कार्यक्रममा नेपाल प्रहरी , सशस्त्र प्रहरी , नेपाली सेना , विभिन्न संघसंस्था का प्रतिनिधि लगायतले रगत दान गरेका हुन् ।
रक्तदान कार्यक्रममा बाराका प्रमुख जिल्ला अधिकारी नवराज सापकोटा , प्रहरी उपरीक्षक होबिन्द्र बोगटी, प्रहरी नायब उपरीक्षक दधिराम न्यौपानेसहित विभिन्न संघसंस्थाका प्रतिनिधि लगायतको पनि उपस्थिति रहेकाे थियाे।
आफ्नो प्रतिक्रिया दिनुहोस
