बारा । बारा प्रहरीले १०५ किलो अबैध लागू औंषध गाजा सहित एक ट्रक बरामद गरेको छ । ना. १ क ३२०५ नम्बरको ट्रकमा लागू औंषध गाजा १०५ केजि बरामद गरिएको बाराका प्रहरी उपरीक्षक होमेन्द्र बोगटीले जानकारी दिनुभयो ।
मंगलवार बिहान अन्दाजी ७:०० बजेको समयमा ना. १ क ३२०५ नम्बरको ट्रकमा लागू औंषध गाजा लुकाई छिपाई ल्याई रहेको भनी विशेष सूचनाको आधारमा जिल्ला प्रहरी कार्यालय बारा र ईलाका प्रहरी कार्यालय अमलेखगञ्ज बाराबाट सन्युक्त रुपमा खटिएको प्रहरी टोलिले उक्त नम्बरको ट्रक खोज तलास गर्दै जानेक्रममा बिहान ७:२० बजे जिल्ला बारा जितपुरसिमरा उपमहानगरपालिका वडा न.२२ पुर्व पश्चिम लोकमार्ग सडक खण्डको पुर्व साईडको नालामा ना. १ क ३२०५ नम्बरको ट्रक पल्टिएको अवस्थामा रहेको सो ट्रकमा चालक तथा सहचालक समेत नभएकोले उक्त नमूनाको ट्रक चेकजाँच गर्दा सामान लोड गर्ने पछाडीको भागमा फल्स डब्बा भित्र प्लास्टिकको ५ वटा बोरामा लुकाई छिपाई राखेको अवस्थामा लागु औंषध गाजा १०५ केजि बरामद भएकोले बरामद लागू औंषध गाजा सहित उक्त ट्रक नियन्त्रणमा लिइ ईलाका प्रहरी कार्यालय सिमरामा ल्याई राखेको र ट्रक चालक लगायत उक्त घटनामा संलग्न रहेका व्यक्तिहरुको खोज तलास लगायतको अनुसन्धान कार्य भैई रहेको जिल्ला प्रहरी कार्यालय बाराका प्रमुख प्रहरी उपरीक्षक होमेन्द्र बोगटिले जानकारी गराउनु भयो ।
