वीरगञ्ज । पर्साकाे जगरनाथपुर गाँउपालिकामा प्रभु हस्पिटल वीरगञ्जको सहकार्यमा महिलाहरुकाे पाठेघर चेकजाँच सम्बन्धि नि:शुल्क स्वास्थ्य शिविर सम्पन्न भएकाे छ ।
बिजबनियास्थित बर्थिङ सेन्टर परिससमा आयाेजित स्वाथ्य शिविरमा करिब ४ सय जना महिलाहरुकाे स्वास्थ्य परिक्षण गरि आवश्यकता अनुसार ओैषधी पनि वितरण गरिएको छ ।
गाँउपालिकाकाे स्वास्थ्य शाखाले आयाेजना गरेकाे शिविरमा प्रभु हस्पिटलकी वरिष्ठ स्त्रीराेग विशेषज्ञ डाक्टर लक्ष्मी थापा नेतृत्वको चिकित्सक र स्वास्थ्यकर्मीहरुकाे टाेलीले महिलाहरुकाे पाठेघरकाे स्वास्थ्य परिक्षण गरेकाे थियाे ।
शिविरमा जगरनाथपुर गाँउपालिकाका अध्यक्ष श्रीकान्त यादव, उपाध्यक्ष बबिता सिंह क्षेत्री , वडा नम्बर ३ का वडाअध्यक्ष सुवास यादव लगायतको पनि उपस्थिति रहेकाे थियाे ।
आफ्नो प्रतिक्रिया दिनुहोस
