वीरगञ्ज । नेपाल पोष्ट मिडिया प्रालिद्वारा संचालित रेडियो सिमाञ्चल ९५.१ मेगाहर्जले बुधबारदेखि आफ्नो परिक्षण प्रसारण शुरु गरेको छ । सिमा क्षेत्रको सूचना,संगित तथा कला संस्कृतिको जेगर्ना गर्ने उदेश्यका साथ वीरगन्जमा सञ्चालित रेडियो सिमाञ्चलले प्रसारण यात्रा शुरु गरेको हो ।
रेडियोले निकट भविष्यमै नियमित प्रसारणपनि सुरु गर्ने रेडियोका अध्यक्ष मनोज पटेलले बताए । वीरगन्ज १४ श्रीपुरमा आफ्नै स्टेसन टावर राखी रेडियोले परिक्षण प्रशारण शुरु गरेको उनले बताए ।
पर्सामा संचालनमा रहेको विभिन्न रेडियो तथा एफ. एम. स्टेशनको बिचमा स्रोताको माग अनुसारको कार्यक्रम गीत–संगीत,मनोरञ्जनात्मक एवं समाचार मुलक कार्यक्रमहरु प्रस्तुत गर्ने रेडियो सिमाञ्चलले लक्ष्य लिएको पटेलले बताए ।
१०० वाट क्षमताको रेडियो प्रसारणको इजाजत प्राप्त गरेको रेडियो सिमाञ्चलले स्रोताहरुको माग अनुसार प्रसारण क्षमता बढाउदै लाने समेत पटेलले बताए ।
