वीरगन्ज । चिया पसल अगाडि युवाहरुको एक समुहले सामुहिक हनुमान चालीसाको पाठ गरेको छ ।
वीरगन्जको केन्द्रमा रहेको महावीरस्थान छेउमा रहेको चिया पसल अगाडि सनातन धर्म प्रति आस्था राख्ने युवाहरूले सामुहिक हनुमान चालीसाको पाठ गरेका हुन ।
मंगलबार भगवान हनुमान जि को विशेष दिन रहेको मान्यता चल्दै आइरहेको छ । यस विशेष दिनमा स्वेच्छाले मन्दिर दर्शन गर्न पुगेका युवाहरूको समुहले सामुहिक हनुमान चालीसाको पाठ गर्नुका साथै हरेक मंगलबार बिहान ७:१५ मा पाठ गर्ने योजना बनेको सहभागी देवेश गुप्ताले जानकारी गराए ।
आफ्नो धर्मप्रति सबै जागरुक हुन भन्ने हाम्रो मुख्य उदेश्य रहेको छ । सातामा केहि घण्टा आफ्ना धर्मका लागि खर्च गर्दै साथीभाइ संग भेटघाटको राम्रो माध्यम रहेको अनुभुती भइरहेको अर्का सहभागी रिसभ राज अग्रवालले बताए ।
सो समुहमा देवेश गुप्ता, रिसभ अग्रवाल, विकी सरार्फ, सौरभ गुप्ता, सौर्या सरार्फ लगायत विभिन्न संघ संस्थाका युवाहरूको उपस्थिति रहेको थियो ।
