वीरगञ्ज, २० पुष । नाबालिक किशोरीलाई बलात्कार गरेको आरोपमा बाराबाट एकजना भारतीय नागरिक पक्राउ परेका छन् ।
बारा प्रहरीले १५ वर्षीय एकजना किशोरी बलात्कार गरेको आरोपमा भारतको मुज्जफ्फरपुर घर भई बाराको निजगढ नगरपालिका वडा नम्बर ९ बस्ने ३७ वर्षका लालबाबु चौधरी पक्राउ गरेको हो ।
यही पुष १५ गते साँझको समयमा चौधरीले स्थानीय ती किशोरीलाई बलात्कार गरेको प्रहरीमा उजुरी परेको थियो ।
कपडाको व्यवसाय गर्ने चौधरी निजगढमा डेरा लिएर बस्दै आएका थिए । उनलाई प्रहरीले हिरासतमा राखेर अनुसन्धानका लागि बारा जिल्ला अदालतबाट म्याद थप गरेको छ ।
आफ्नो प्रतिक्रिया दिनुहोस
