विपन्न परिवारलाई पुरानो कपडा वितरण

वीरगन्ज,०२ भदौ । पर्सामा विपन्न परिवारलाई पुरानो कपडा वितरण गरीएको छ । वीरगञ्ज महानगर भित्र रहेका गरिब तथा विपन्न परिवारलाई १५० थान पुरानो कपडा वितरण गरिएको हो । सामुदायिक प्रहरी साझेदारी कार्यक्रम अन्र्तगत ग्रिनसिटी सामुदायिक सेवा केन्द्र तथा ग्रिनसिटी सामुदायिक प्रहरी सेवा केन्द्र आदर्शनगर, व्यवस्थित वीरगञ्ज अभियान, वुमन क्रियसन्सको संयुक्त आयोजनामा विपन्न परिवारलाई पुरानो कपडा वितरण गरिएको हो ।
हुनेले नहुनेलाई दिने सामाजिक परम्परालाई स्थापित गर्न गरिब विपन्नलाई पुरानो कपडा निशुल्क वितरण गर्ने कार्यको अभियन सुरु गरिएको ग्रिन सिटी सामुदायिक केन्द्रका अध्यक्ष जयप्रकाश खेतानले जानकारी दिए ।
आफु निर भएको बढी कपडाका कारण ‘कतिपय मानिसहरुले एक पटक लगाएपछि अर्कोपटक त्यो कपडा लगान नरुचाउने तथा पुरानो भनेर कपडा फालिदिने गर्छन् ।
यस्ता कपडालाई हामीले घर घरबाट जम्मा गरी अरुका लागि काम लाग्न सक्छ र राम्रा कपडाहरु छानी ं, धोएर वितरण गर्ने गरेको अध्यक्ष खेतानले जानकारी दिए । जसलाई आवश्यक हुन्छ, निःशुल्क लैजानुहुन्छ ।’