बारा —। बाराको विश्रामपुर गाउँपालिका–२ कान्तिपुर बरैनियामा ई–रिक्सा चार्ज गर्ने क्रममा करेन्ट लागेर एकजनाको मृत्यु भएको छ।
मृत्यु हुनेमा स्थानीय ५० वर्षीय शर्मा पटेल रहेको जिल्ला प्रहरी कार्यालय बाराले जनाएको छ।
प्रहरीका अनुसार मंगलबार आफ्नै घरमा ई–रिक्सा चार्ज गर्ने क्रममा पटेललाई करेन्ट लागेको थियो। करेन्ट लागेर गम्भीर घाइते भएका उनको उपचारका क्रममा मृत्यु भएको जनाइएको छ।
पटेलको शव कलैयास्थित प्रादेशिक अस्पतालमा पोस्टमार्टम गरी परिवारको जिम्मा लगाइएको प्रहरीले जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय बाराले जनाएको छ।
आफ्नो प्रतिक्रिया दिनुहोस
