चितवन:
भित्र सुरक्षाकर्मीले चलाएको गोली लागेर एक पोथी गैँडाको मृत्यु भएको छ। निकुञ्ज सुरक्षामा खटिएको टोलीमाथि आक्रमण गरेपछि प्रतिकारस्वरूप चलाइएको गोली लाग्दा करिब २४ वर्ष उमेरको गैँडाको घटनास्थलमै मृत्यु भएको निकुञ्जले जनाएको छ।
निकुञ्जका अनुसार अर्धवयस्क बच्चासहितको आमा गैँडासँग गस्ती टोलीको जम्काभेट भएको थियो। त्यसक्रममा गैँडाले सुरक्षाकर्मीमाथि आक्रमण गरेको र टोलीले भाग्ने प्रयास गर्दा पनि गैँडाले लखेट्न नछोडेको बताइएको छ।
सुरक्षाकर्मीले सुरुमा १० राउन्ड हवाइ फायरिङ गरेका थिए। तर त्यसपछि पनि आक्रमण नरोकिएपछि गैँडाले गस्तीमा रहेका सिपाही विकास घर्तीलाई लडाएर लछारपछार गर्न थालेको थियो।
घाइते सिपाहीको ज्यान जोगाउन अन्य सुरक्षाकर्मीले थप दुई राउन्ड गोली चलाएका थिए। सो क्रममा गैँडाको पेटभन्दा माथि करङ क्षेत्रमा गोली लाग्दा घटनास्थलमै मृत्यु भएको सूचना अधिकारी थापा मगरले जानकारी दिए।
निकुञ्जका प्राविधिक टोलीले मृत गैँडाको पोस्टमार्टम गरिसकेको छ। निकुञ्जका अनुसार गैँडाको खाग र खुर सुरक्षित अवस्थामा रहेका छन्।
घटनामा गैँडाको आक्रमणबाट सिपाही विकास घर्ती गम्भीर घाइते भएका छन्। उनको ढाड, कम्मरलगायत शरीरका विभिन्न भागमा गहिरो चोट लागेको छ। हाल उनको काठमाडौंस्थित को सघन उपचार कक्षमा उपचार भइरहेको छ।
