पर्सागढी । पर्सागढी नगरपालिका–५ पचरुखी बहुअरवामा आयोजित वडास्तरीय भेलामा पर्सा निर्वाचन क्षेत्र नम्बर–२ का नेपाली कांग्रेसका उम्मेदवार अजय चौरसियालाई स्थानीयवासीहरूले भव्य रूपमा स्वागत गरेका छन्।
फागुन २१ गते हुने निर्वाचनलाई लक्षित गर्दै सो क्षेत्रमा पुगेका चौरसियालाई राजनीतिककर्मी, स्थानीय जेन्जी युवा, बुद्धिजीवी तथा महिलाहरूको उल्लेखनीय सहभागितासहित स्वागत गरिएको हो।
विगत लामो समयदेखि राजनीतिक तथा सामाजिक क्षेत्रमा सक्रिय रहँदै आएका चौरसियाप्रति स्थानीयको भरोसा र समर्थन झल्किने गरी वडाबासीहरूले उनलाई गम्छा ओढाएर सम्मान गरेका थिए। भेलामा चौरसियाले स्थानीयको समस्या, आवश्यकता र अपेक्षाबारे ध्यानपूर्वक सुन्दै विकास र समावेशी प्रतिनिधित्वप्रति आफ्नो प्रतिबद्धता व्यक्त गरेका थिए।
कार्यक्रममा स्थानीयवासीहरूको ठूलो संख्यामा उपस्थिति रहेको जानकारी दिँदै नेपाली कांग्रेसका युवा नेता चन्दन सहनीले वडास्तरीय भेलाले पर्सागढी क्षेत्रमा कांग्रेसको पक्षमा सकारात्मक माहोल सिर्जना भएको बताए।
