वीरगञ्ज — नेकपा एमाले निकट जनसंगठन प्रेस चौतारी नेपाल, पर्सा शाखाको आयोजनामा सम्पन्न जिल्ला भेला कार्यक्रममा पर्सा जिल्लाको निर्वाचन क्षेत्र नम्बर–३ का युवा नेता तथा सम्भावित उम्मेदवार रूपेश कुमार पाण्डेले उल्लेखनीय सहभागिता जनाएका छन्।
कार्यक्रममा सम्बोधन गर्दै पाण्डेले सुशासन, दिगो विकास, रोजगारी सिर्जना र जनउत्तरदायी राजनीतिलाई केन्द्रमा राखिएको आफ्नो स्पष्ट दृष्टिकोण प्रस्तुत गरे। उनले लोकतन्त्र सुदृढ गर्न जिम्मेवार पत्रकारिताको भूमिका अपरिहार्य रहेको उल्लेख गर्दै सत्य, निष्पक्षता र उत्तरदायित्व पत्रकारिताका आधारस्तम्भ भएको बताए।
पत्रकारिता र लोकतन्त्र एक–अर्काका पूरक भएको धारणा राख्दै पाण्डेले देश र समाजको रूपान्तरणमा सञ्चारकर्मीको भूमिका निर्णायक हुने बताए। उनका विचार र स्पष्ट भिजनले भेलामा उपस्थित पत्रकारहरूमा नयाँ उत्साह र विश्वास थपिएको सहभागीहरूले प्रतिक्रिया दिएका छन्।
पर्सा–३ मा परिवर्तनको आकांक्षालाई संस्थागत गर्ने नेतृत्वका रूपमा रूपेश कुमार पाण्डे क्रमशः मजबुत रूपमा स्थापित हुँदै गएको देखिन्छ।
