वीरगंज । परवानीपुर गाउँपालिका विभिन्न वडा वीरगंज महानगरपालिकामा नजिक रहेको अवस्थालाई मध्यनजर गर्दै फैलिएको हैजाबाट प्रभावित हुन सक्ने सम्भावना रहेको भन्दै परवानीपुर गाउँपालिकाले आपतकालीन बैठक बसेर आवश्यक तयारी गरेको छ।
आइतबार तत्कालीन गाउँपालिकाका अध्यक्ष रामक्षत्री प्रसाद कुर्मीको अध्यक्षतामा बसेको बैठकमा वडा अध्यक्षहरू, स्वास्थ्य चौकी प्रमुख, एलएस न्युरो एण्ड जेनरल हस्पिटलका प्रतिनिधि तथा सामुदायिक र संस्थागत विद्यालयका प्रधानाध्यापकहरू को सहभागिता गरिएको थियो।
बैठकमा महानगरमा देखिएको हैजा रोगबाट पालिकामा पर्न सक्ने असर र रोकथामका उपायबारे गहन छलफल गरिएको थियो।
बैठकपछि प्रमुख प्रशासकीय अधिकृत मुन्ना साह रौनियारको निर्देशनमा प्रत्येक वडामा एक–एक र पालिकास्तरमा एक अनुगमन समिति गठन गर्ने निर्णय गरिएको छ। समितिहरूले नियमित रूपमा अवस्था अनुगमन गरी आवश्यक कदम चाल्ने पालिकाले जनाएको छ।
