पर्सा । संघीय सरकारको खानेपानी मन्त्रालयले वीरगन्ज महानगरपालिकालाई कार्यालय प्रयोजनका लागि दुई थान पिकअप गाडी प्रदान गरेको छ।
खानेपानी मन्त्री प्रदीप यादवको पहलमा जापानी कम्पनी टोयोटाका दुई थान पिकअप गाडी महानगरलाई हस्तान्तरण गरिएको हो। केही दिनअघि काठमाडौंमा आयोजित कार्यक्रममा मन्त्री यादवले वीरगन्ज महानगरका मेयर राजेशमान सिंह र प्रमुख प्रशासकीय अधिकृत अरबिन्दलाल कर्णलाई गाडीको कागजात हस्तान्तरण गरेका थिए।
गाडी वीरगन्ज ल्याइएपछि शुक्रबार महानगरपालिका कार्यालयको प्रांगणमा मेयर सिंहले हिन्दू परम्पराअनुसार पूजापाठ गरेका छन्।
मेयरका प्रेस सल्लाहकार नवराज फुयाँलका अनुसार गाडीहरू अब नगरपालिकाको विभिन्न कार्यालय कार्यका लागि प्रयोग गरिने छन्।
आफ्नो प्रतिक्रिया दिनुहोस
