बिरगन्ज ।
पर्सामा लागुऔषधको प्रयोग तथा दुरुपयोग विरुद्ध जनचेतना परिक्षण कार्यक्रम सम्पन्न भएकाृे छ । बिरगंज महानगरपालिका वडा नम्बर २ स्थित रहेको पण्डित रामविनी आधारभूत विद्यालयमा विशेष कायक्रमको आयोजमा जनचेतनामूलक तथा परिक्षण कार्यक्रम सम्पन्न गरिएको छ।
सामुदायिक सेवा केन्द्र, सामुदायिक प्रहरी सेवा छपकैया तथा नेपाल रेडक्रस सोसाइटी छपकैया उपशाखाको संयुक्तमा कार्यक्रम सामुदायिक प्रहरी साझेदारी कार्यक्रम अन्तर्गत आयोजना गरेको थियो।
कार्यक्रममा विद्यालयका कक्षा ७ र ८ का ७५ जना विद्यार्थीहरूको सहभागिता रहेको थियो। सहभागी विद्यार्थीहरूलाई लागुऔषध सम्बन्धी जानकारी बारे तथा दुष्परिणाम, रोकथामका उपाय बारे विस्तृत जानकारी गराईएको थियो।
ग्यासुदिन ठकुराईको अध्यक्षतामा भएको कार्यक्रममा प्रमुख अतिथि वडा प्रहरी कार्यालय बिर्ताका प्रमुख निरोज चौलागाई ,जवाहरलाल कलवार, विजय कुमार, प्रधानाध्यापक सुरेश राउत, शिक्षक रामनारायण प्रसाद, प्रेम कुमार साह, केदार तिमलसेना र सोलाजीम मिया लगायतको उपस्थिति रहेको थियो ।
