वीरगञ्ज । वीरगञ्जको चिल्ड्रेन गार्डेन स्कुल एण्ड मन्टेश्वरी डे केयर सेन्टरले पाँचौ वार्षिकोत्सब मनाएको छ । वीरगञ्जस्थित क्लासिक बैक्वैटमा सांस्कृतिक कार्यक्रमको आयोजना गरेर स्कुलले वार्षिकोत्सव मनाएको हो ।
वार्षिकोत्सबका अवसरमा आयोजित कार्यक्रममा विद्यार्थीहरूले विभिन्न सांस्कृतिक प्रस्तुति प्रस्तुत गरेका थिए ।
स्कुलकी प्रधानाध्यापिका रोशनी श्रीवास्तवको अध्यक्षतामा भएको कार्यक्रमलाई सम्बोधन गर्दै वीरगञ्ज युवा समाजका संस्थापक अध्यक्ष कमल चौगाइले विद्यार्थीको चौतर्फी विकासका लागि अतिरिक्त क्रियाकलाप जरुरी रहेको बताए ।
कार्यक्रमलाई डिल्ली पब्लिक स्कुलका प्रधानाध्यापक रन्जित आनन्द, डेसिमल कलेजका प्रबन्ध निर्देशक सन्नी दुबे, नवदिप एकेडेमीकी प्रधानाध्यापिका सुशिला साह लगायतले मन्तव्य व्यक्त गरेका थिए ।
कार्यक्रममा प्याब्सन पर्साका सचिव राहुल श्रीवास्तव, प्याब्सन वीरगञ्ज महानगर समितिका सचिव सन्नी पाख्रिन लगायतको उपस्थिति रहेको थियो ।
कार्यक्रमको सहजीकरण सञ्चारकर्मी सूर्य वि.क. ले गरेका थिए ।
