राजा आउने कल्पना नगरे हुन्छ–अध्यक्ष नेपाल

वीरगन्ज,२३पुष नेकपा एकिकृत समाजवादीका अध्यक्ष माधव नेपालले नेपालमा अब राजतन्त्र फर्कने सम्भव नभएको बताएका छन्।
सोमबार बाराको परवानीपुर गाँउपालिका वडा नम्बर ५ बहुवरीमा आयोजित पार्टी प्रवेश कार्यक्रममा बोल्दै पूर्वप्रधानमन्त्री समेत रहेका नेपालले भने,यो देश राजामहाराजाको देश होइन । जनताको देश हो ।अब राजा आउने कल्पना नगरे हुन्छ।
राजतन्त्र वा राजा फर्केर आउने कुनै सम्भावना नरहेको जिकिर उनले गरे।
उनले देशमा भ्रष्टाचारका विरुद्ध नेकपा एकिकृत समाजवादी र नेकपा माओेवादी एकसाथ मिलेर अगाडि बढेको बताए ।उनले भने,ञदेशलाई समृद्धिको बाटोमा लैजान एकिकृत समाजवादी र माओवादीको विकल्प नै छैन।
नेपालले युवाको विदेश पलायन रोक्न देशभित्रै कृषिको आधुनिकीकरण र व्यवसायिकरण गर्नुपर्नेमा जोड दिए।
कार्यक्रममा विभिन्न दल परित्याग गरी एक सय भन्दा बढी नेता कार्यकर्ता नेकपा एकिकृत समाजवादीमा प्रवेश गरेका थिए ।

नेकपा एकिकृत समाजवादीका परवानीपुर गाँउपालिका कमिटीका अध्यक्ष रामकेश्वर पटेलको अध्यक्षतामा भएको उक्त कार्यक्रममै अनिल कुमार साहको अध्यक्षतामा नेपाल रिटर्नी एशोसियसनको बारा जिल्ला कमिटी गठनपनि गरिएको छ।