वीरगञ्ज । दुर्गा पूजा सेवा समिति रानीघाटद्वारा आयोजित कार्यक्रममा ७१ जनाले रक्तदान गरेका छन् ।
समितिद्वारा आयोजित २० औँ रक्तदान कार्यक्रममा चार महिलासहित ७१ जनाले रगतदान गरेका हुन् ।
पर्साको सखुवाप्रसौनी गाउँपालिकाका अध्यक्ष यसवन्त यादव एवम् कार्यक्रमका प्रमुख अतिथिले रक्तदाताहरूले प्रशंसा पत्र प्रदान गरेका थिए । यादव समितिका सदस्य पनि हुन् ।
समितिका अध्यक्ष सतिश सिंह राजपूतको सभापतित्वमा भएको कार्यक्रममा समितिका सदस्य राजु गुप्ता, गोपाल प्रसाद रौनियार, जगदीश साहलगायतको उपस्थिति रहेको थियो ।
कार्यक्रममा प्राविधिक सहयोग रक्तसञ्चार केन्द्र वीरगञ्जका प्रमुख सौरभ राज पाण्डे नेतृत्वमा आएको टोलीले गरेको थियो ।
आफ्नो प्रतिक्रिया दिनुहोस
