काठमाडौँ । कर्जासम्बन्धी विवादमा प्रभु बैंकका प्रमुख कार्यकारी अधिकृत ९सिइओ० सुमन शर्मासहित चार जनाविरुद्ध पर्सा जिल्ला अदालतमा ठगी तथा आपराधिक विश्वासघातको मुद्दा दर्ता भएको छ। अदालतले मुद्दामा अनुपस्थित प्रतिवादीहरूका नाममा पक्राउ पुर्जी जारी गरेको जनाएको छ।
अदालतका सूचना अधिकारी जयनारायण यादवले मुद्दा दर्ता भएको पुष्टि गरेका छन्। शर्माले लक्ष्मी सनराइज बैंकको प्रमुख कार्यकारी अधिकृतको जिम्मेवारी सम्हालेका बेला भएको कर्जासम्बन्धी विवादलाई लिएर मुद्दा दायर भएको हो।
अन्य प्रतिवादीमा बैंकको वीरगञ्ज शाखाका तत्कालीन नायब प्रबन्धक केदार सिंह, वरिष्ठ अधिकृत सुबोध जोशी र केन्द्रीय कार्यालयको कर्जा प्रशासनका तत्कालीन प्रमुख तथा नायब प्रबन्धक रवीन्द्र केसी रहेका छन्।
अदालतले शर्मासहित अनुपस्थित प्रतिवादीहरूको पक्राउ पुर्जी तामेलका लागि जिल्ला प्रहरी कार्यालय पर्सामा पठाउन निर्देशन दिएको छ।
जिल्ला प्रहरी कार्यालय पर्साका प्रमुख प्रहरी उपरीक्षक ९एसपी० पवनकुमार भट्टराईले मुद्दाबारे थप अनुसन्धान भइरहेको जानकारी दिएका छन्। सभार प्रशासन
