पोखरिया — पर्सा प्रहरीले लागूऔषध नियन्त्रण अभियानअन्तर्गत २०७ किलो अवैध गाँजा बरामद गर्दै एक जनालाई पक्राउ गरेको छ।
बिन्दवासिनी गाउँपालिका–५ मा सवारी चेकजाँचका क्रममा प्रदेश ३–०१–२४ च ५३८५ नम्बरको पिकअप गाडीबाट सिमेन्टको बोराभित्र लुकाइ राखिएको २०७ किलो गाँजा बरामद गरिएको प्रहरीले जनाएको छ।
घटनामा संलग्न रहेको आरोपमा मकवानपुरको हेटौंडा उपमहानगरपालिका–१३ निवासी ४८ वर्षीय कृष्ण लामालाई पक्राउ गरिएको छ। बरामद गाँजा र पिकअप गाडी नियन्त्रणमा लिई प्रहरीले थप अनुसन्धान अघि बढाएको जनाएको छ।
प्रहरीका अनुसार अभियान जिल्ला प्रहरी कार्यालय पर्साका एसपी पवनकुमार भट्टराईको निर्देशनमा सञ्चालन भइरहेको थियो भने इलाका प्रहरी कार्यालय पोखरियाका प्रहरी निरीक्षक प्रदीप पौडेलको नेतृत्वमा गरिएको हो।
आफ्नो प्रतिक्रिया दिनुहोस
