वीरगन्ज,। पर्साको पर्सागढी नगरपालिका वडा नम्बर ६ बढनियारमा शनिबार निःशुल्क स्वास्थ्य चेकजाँच शिविर सम्पन्न भएको छ ।‘घरदैलोमा डाक्टर’ कार्यक्रम अन्तर्गत प्रभु हस्पिटल वीरगन्जको सहकार्यमा जुनतारा बचत तथा ऋण सहकारी संस्थाले आयोजना गरेको शिविरबाट १९० जना महिलासहित २५० जना लाभान्वित भएका छन् ।
उक्त शिविवरमा आएकाहरुको स्वास्थ्य चेकजाँचसंगै मधुुमेशको परीक्षण पनि गरिएको थियो । आवश्यकता भएकाहरुलाई निःशुल्क औषधि वितरणपनि गरिएको थियो ।
शरहबाट टाढा रहेका गाँउघरका गरिब तथा स्वास्थ्य सेवाको पहुँच नभएका नागरिकलाई लक्षित गरी घरदैलोमै पुगेर उपचार तथा परामर्श दिने गरी शिविर आयोजना गरिएको प्रभु हस्पिटलका कार्यक्रम प्रमुख दलिपराज कार्कीले बताए ।
जुनतारा सहकारी संस्थाकी अध्यक्ष मन्जु क्षेत्रीको अध्यक्षता तथा प्रभु हस्पिटलकी सन्चालिका एवं स्त्रीरोग विशेषज्ञ डा। लक्ष्मी थापा गुप्ताको प्रमुख आतिथ्यतामा भएको शिविरमा वरिष्ठ फिजिसियन डा।रवि रन्जन साह, पत्रकार बलिराम शुक्ला लगायतकाकोपनि विशेष उपस्थिती रहेको थियो ।
