पर्सा — जिल्ला प्रहरी कार्यालय पर्सा ले जुवातास खेलिरहेको अवस्थामा ५ जनालाई पक्राउ गरेको छ।
प्रहरीका अनुसार मंगलबार बेलुका करिब ८स्२० बजे पर्सागढी नगरपालिका–३ बडनिहार विरुवागुठी स्थित दिलमाया तामाङले सञ्चालन गरेको गौरे कटेज खाजा पसलमा जुवा खेल भइरहेको गोप्य सूचनाका आधारमा प्रहरी टोली खटिएको थियो।
इलाका प्रहरी कार्यालय पटेर्वासुगौली सहितको संयुक्त टोलीले छापा मार्दा जुवातास खेलिरहेको अवस्थामा ५ जनालाई नियन्त्रणमा लिएको हो।
पक्राउ पर्नेमा पर्सागढी–३ का ५७ वर्षीय बिरेन्द्र साह, पर्सागढी–४ का ४० वर्षीय सुरेन्द्र चौधरी, वीरगंज महानगरपालिका–३१ का २७ वर्षीय अरबिन्द गौरो थारु, पर्सागढी–३ का ३१ वर्षीय शिशिर तामाङ तथा सोही स्थानकी ३८ वर्षीया दिलमाया तामाङ रहेका छन्।
प्रहरीले उनीहरूबाट तीन सेट तास र नगद १५ हजार ५५ रुपैयाँ बरामद गरेको जनाएको छ।
घटनामा संलग्न व्यक्तिहरूमाथि सार्वजनिक शान्ति विरुद्धको कसूरअन्तर्गत जुवा खेल्न नहुने सम्बन्धी दफा १२५ अनुसार आवश्यक कानुनी कारबाही प्रक्रिया अघि बढाइएको प्रहरीले जनाएको छ।
