दाङकाे राप्ती गाउँपालिका-४, गाेलीनालामा बिहीबार राती एक युवककाे हत्यामा संलग्न एक युवती सहित ३ जना प्रकाउ परेका छन् । घटना भएकाे २४ घण्टा नबित्दै ईलाका प्रहरी भालुवाङका प्रहरी निरक्षक पुष्करसिंह ऐरी नेतृत्वकाे प्रहरी टाेली राती भरि लगाएर ती ३ जना अभियुक्त प्रकाउ गर्न सफल भएकाे हाे ।
हत्यामा संलग्न भएकाे आराेपमा प्रहरीले दाङकाे बंगलाचुलीका बर्ष २० का संदिप वली, राप्ती गाउँपालिकाका बर्ष १८ काे निश्चल चाैधरी र राप्ती गाउँपालिका कै बर्ष १८ की आकृति बुढालाई प्रकाउ गरेकाे जिल्ला प्रहरी कार्यालय दाङका निमित्त प्रबक्ता तथा प्रहरी निरीक्षक बाबुराम बस्नेतले जानकारी दिए ।
प्रहरीले घटना भएकाे थाहा पाए लगत्तै प्रहरी निरीक्षक ऐरीकाे टाेलीले रातभर नै घटनास्थल सहितका ठाउँमा अनुसन्धान गरी बिहान ४ बजे मात्र पक्राउ परेका तीनकाे प्रमाण सहित पुष्टि गरेकाे बताएकाे जनाएकाे छ ।
बिहिबार राती राप्ती गाउँपालिका–२, बराखुट्टी निवासी बर्ष १६ का स्मित प्रधानलाई हत्या गरी वडा नं. ४ गोपीनालाकाे दाेलाईखाेला नजिक नालामा फालेकाे अवस्थामा शब फेला परेको थियाे ।
उक्त घटना बारे प्रहरीलाई बिहिबार दिउँसो करिब १२ बजे खबर पुगेको थियो । त्यस लगत्तै प्रहरी घटनास्थलमा पुगेर अनुसन्धान शुरू गरेकाे थियाे । मृतक व्यक्तिको शरिरमा धारिलाे हतियार प्रयाेग गरि हत्या गरेकाे प्रारम्भिक अनुसन्धानबाट खुलेकाे प्रहरीले जनाएकाे छ ।
यस्तै प्रधान संगै गएका सोही ठाउँ निवासी बर्ष १६ का आयुषमान थापा घाइते भएको र उनको राप्ती आधारभूत अस्पताल सिसहनियाँमा उपचार भईरहेकाे प्रहरीले जनाएकाे छ । घाईते थापा खतरामुक्त रहेकाे प्रहरीले जनाएकाे छ । थापा मगरलाई देबीसरा गाहा र स्वस्तिका रानामगर नाम गरेको फेसबुक मेसेन्जर बाट भेट्न आउ भनि बोलाउदा निजहरु बिहिबार राती नै २०:०० बजे घरबाट ती युवती भेट्न निस्किएकाे बताईएकाे छ ।
