वीरगञ्ज — वीरगञ्ज महानगरपालिका–मुर्लीस्थित सगरमाथा एकेडेमीले १९औँ वार्षिक उत्सव तथा पुरस्कार वितरण कार्यक्रम सम्पन्न गरेको छ।
विद्यालयका संस्थापक तथा प्रिन्सिपल एवं नेशनल प्याब्सन वीरगञ्ज नगर अध्यक्ष जियालाल गुप्ताको अध्यक्षतामा सम्पन्न कार्यक्रममा शिक्षा विकास तथा समन्वय समिति इकाईका शाखा अधिकृत विद्यानन्द प्रसाद यादव प्रमुख अतिथि थिए।
कार्यक्रममा नेशनल प्याब्सनका केन्द्रीय वरिष्ठ उपाध्यक्ष रामविनय चौरसिया, केन्द्रीय सदस्य अरविन्द सिंह, प्याब्सन नगर अध्यक्ष राहुल श्रीवास्तव, सिटी स्कूलका संस्थापक सन्तोष गुप्ता, गूगल स्कूलका संस्थापक नरेश पटेल, पर्सा म्यानेजमेन्ट स्कूलका संस्थापक प्रकाश यादव, शालोम स्कूलका संस्थापक कौशल श्रीवास्तव तथा गौतम श्रीवास्तवलगायत विभिन्न विद्यालयका प्रतिनिधि तथा शिक्षासेवीहरूको उपस्थिति रहेको थियो।
वार्षिक उत्सवका अवसरमा विद्यार्थीहरूले नृत्य, गीत, नाटक तथा विभिन्न सांस्कृतिक कार्यक्रममार्फत आफ्नो प्रतिभा प्रस्तुत गरेका थिए। कार्यक्रममा शैक्षिक, खेलकुद तथा अतिरिक्त क्रियाकलापमा उत्कृष्ट प्रदर्शन गर्ने विद्यार्थीहरूलाई प्रमुख अतिथि तथा सभापतिद्वारा शिल्ड, मेडल र प्रमाणपत्र प्रदान गरी सम्मान गरिएको थियो।
विद्यालय प्रशासनले यस्ता कार्यक्रमहरूले विद्यार्थीहरूको प्रतिभा विकास, आत्मविश्वास वृद्धि तथा मनोबल अभिवृद्धिमा महत्वपूर्ण योगदान पुर्याउने विश्वास व्यक्त गरेको छ। कार्यक्रम विद्यालय परिसरको ब्लक–बीमा सम्पन्न भएको थियो।
