वीरगन्ज। लायन्स क्लब वीरगन्ज परिवारद्वारा सञ्चालित गरिब तथा विपन्नहरुको निशुल्क मोतियाबिन्दु शल्यक्रिया अभियान अन्तर्गत हालसम्म ३७१ जनाको आँखाको शल्यकृया गरिएको छ । वीरगन्ज सामुदायिक आँखा केन्द्रमा तिलगंगा आँखा अस्पताल काठमाडौंका विशेषज्ञ चिकित्सकहरूले हालसम्म ३७१ जनाको मोतियाबिन्दुको शल्यक्रिया गरेका हुन् ।
बारा र पर्सा जिल्लमा बृद्धबृद्धामध्ये अधिकांकको मोतियाबिन्दुका कारण दृष्टि गुमाउँदै जाने अवस्थाले भावनात्मक रूपमा प्रभावित बनेको लायन्स क्लब वीरगन्जले परिवारले गाउँ– टोलहरुमै निःशुल्क आँखा स्वास्थ्य जाँच सेवा शिविर पनि चलाउँदै आएको छ । ती शिविरमा चेकजाँचका क्रममा मोतियाबिन्दुको समस्या भेटिएकाहरुको वीरगन्ज सामुदायिक आँखा केन्द्रमा ल्याएर लायन्स क्लब वीरगन्जले शल्यकृयापनि निःशुल्क गराउँदै आएको छ ।
कुनैपनि व्यक्ति दृष्टिबाट वञ्चित हुन नपरोस् भन्ने उदेश्यले लायन्स क्लब वीरगन्ज परिवारले पर्सा र बारा जिल्लामा मिसन ५००० अभियान सञ्चालन गरिरहेको र त्यहि अभियानका क्रममा हालसम्म ३७१ जनाको निःशुल्क शल्यकृयापनि गराइसकेको अध्यक्ष नरोत्तम पाण्डेले जानकारी दिए ।
