बारा — बाराको प्रसौनीस्थित किरण बेभरेज नेपाल प्रा.लि. का व्यवस्थापक रामकिशोर सिंह ४२ वर्षीय उद्योग नजिकै धारिलो हतियारले घाँटी रेटिएको अवस्थामा मृत फेला परेका छन्।
घटना गम्भीर देखिएपछि प्रहरीको थप टोली र तालिमप्राप्त कुकुर समेत परिचालन गरिएको छ। सिंह सर्लाहीका स्थायी निवासी भए पनि धेरै वर्षदेखि प्रसौनीमै बस्दै उद्योग व्यवस्थापन गर्दै आएका थिए।
बिहान करिब ८ बजे मात्र प्रहरीलाई सूचना आएको र घटनालाई योजनाबद्ध हत्या हुन सक्ने आशंका प्रहरीले जनाएको छ। विस्तृत अनुसन्धान जारी छ।
आफ्नो प्रतिक्रिया दिनुहोस
