वीरगन्ज । वीरगन्जस्थित नेशनल मेडिकल कलेज तथा शिक्षण अस्पतालमा ूपरोपकारी सांस्कृतिक कार्यक्रम तथा पुरस्कार वितरण समारोहू भव्य रूपमा सम्पन्न भएको छ। चिकित्सा शिक्षासँगै सामाजिक उत्तरदायित्व, सिर्जनात्मकता र नेतृत्व क्षमताको विकासमा जोड दिँदै आयोजना गरिएको यो कार्यक्रममा विद्यार्थी तथा शिक्षकहरूको उल्लेखनीय सहभागिता रह्यो।
कार्यक्रममा विद्यार्थीहरूले नृत्य, भाषण तथा सिर्जनात्मक प्रस्तुतिहरू मार्फत आफ्ना प्रतिभा देखाए। साथै, कलेज अन्तर्गत क्रियाशील च्यारिटेबल सोसाइटी र नेपाल हेल्थ कोर्प्सको वार्षिक प्रतिवेदन सार्वजनिक गरिनुका साथै विभिन्न श्रेणीमा पुरस्कृत विद्यार्थीलाई प्रमाणपत्र र चेक हस्तान्तरण गरिएको थियो।
कलेजका प्राचार्य प्रा। डा। केएन सिंहको अध्यक्षतामा आयोजित कार्यक्रममा प्रमुख अतिथि कलेजका अध्यक्ष प्रा। डा। जैनुदिन अन्सारी र विशिष्ट अतिथि प्रबन्ध निर्देशक शहनवाज अन्सारी रहनुभएको थियो।
अन्य विशिष्ट सहभागितामा शैक्षिक निर्देशक डा। रुबी श्रेष्ठ यास्मिन, अस्पताल निर्देशक डा। इशरत जहाँ अन्सारी, एडमिसन तथा मार्केटिङ निर्देशक आबिद हुसेन अन्सारी, तथा च्यारिटेबल सोसाइटी अध्यक्ष डा। रबीशंकर गुप्ता लगायतको उपस्थिति थियो।
नेशनल मेडिकल कलेज च्यारिटेबल सोसाइटीले विगतदेखि नै निःशुल्क स्वास्थ्य शिविर, वृक्षारोपण, रक्तदान, कपडा वितरण, जनचेतनामूलक कार्यक्रम, खेलकुद तथा सांस्कृतिक गतिविधिहरू जस्ता विविध सामाजिक सेवा अभियान सञ्चालन गर्दै आएको छ।
