पर्सा — सशस्त्र प्रहरी बल नेपाल नं. १३ गण हे. पर्साका प्रहरी उपरीक्षक पुरन चन्द भट्ट र सशस्त्र प्रहरी निरीक्षक सुरेन्द्र राज खड्का वीरगंजस्थित मानवसेवा आश्रम पुगेर सामाजिक उत्तरदायित्वमा सक्रिय सहभागिता रहने जनाएका छन्।
उनीहरूले आश्रममा रहेका जेष्ठ नागरिकहरूसँग समय बिताउँदै आत्मीयता प्रकट गरेका थिए। साथै, बिहानको भोजन सेवामा पनि प्रत्यक्ष रूपमा संलग्न हुँदै सेवा भाव प्रस्तुत गरेका थिए।
उक्त अवसरमा आश्रमका संस्थापक सदस्य देवेश गुप्ता, ओम कुमार झा, संयोजक मुना मगर पुलामी, प्रदुमन सर्राफ, पवन कलवार र आयुष गिरी पनि सहभागी थिए। एसपी भट्ट र निरीक्षक खड्काले आगामी दिनमा व्यक्तिगत र संस्थागत रूपमा आश्रमप्रति निरन्तर सहयोग गर्ने प्रतिवद्धता व्यक्त गरे।
आफ्नो प्रतिक्रिया दिनुहोस
