सर्लाही। सर्लाही प्रहरीले भन्सार छलि ल्याइएको १५ लाख मूल्य बराबरको काजु सहित एक मिनी ट्रक नियन्त्रणमा लिएको छ।
बागमती नगरपालिका–१२ स्थित चेकपोष्टमा खटिएको प्रहरी टोलीले विशेष सूचनाको आधारमा उक्त ट्रकलाई रोक्दै चेकजाँच गर्दा काजु फेला परेको हो।
प्रहरी नायब निरीक्षक सुभाष यादवको कमाण्डमा खटिएको टोलीले सर्लाहीको मदनपुरबाट काठमाडौंतर्फ आउँदै गरेको ग २ ख १४१८ नम्बरको मिनी ट्रक चेक गर्दा उक्त ट्रकमा परालको भुसमुनी लुकाएर राखिएको १० क्विन्टल काजु फेला पारेको जनाएको छ।
काजुको अनुमानित मूल्य करिब १५ लाख रुपैयाँ बराबर रहेको सर्लाही प्रहरीले जनाएको छ।
प्रहरीले ट्रकसँगै सर्लाहीको बरहथवा नगरपालिका–१३, बसवरिया बस्ने अन्दाजी ५६ वर्षीय राजबंशीलाई नियन्त्रणमा लिई आवश्यक अनुसन्धान अघि बढाइएको जानकारी दिएको छ।
सर्लाही प्रहरीले भन्सार छलावरण तथा अवैध कारोबारविरुद्ध निगरानी र कडाइ गरेको जनाएको छ।
