वीरगंज । वीरगंज युवा समाजको आयोजनामा एक विशेष सम्मान तथा टी(शर्ट वितरण कार्यक्रम आइतवार वीरगंजस्थित होटल मकालुको सभा हलमा सम्पन्न भएको छ।
कार्यक्रममा समाजका अध्यक्ष सञ्जीव थापाको अध्यक्षता रहेको थियो भने पर्सा प्रहरी कार्यालयका प्रहरी उपरीक्षक गौतम मिश्र प्रमुख अतिथि रहनु भएको थियो।
कार्यक्रमको मुख्य आकर्षणका रूपमा एस इ इ परीक्षामा ४।० जि.पि.ए ल्याएर पर्सा जिल्लाभरिका सामुदायिक विद्यालयहरूबीच उत्कृष्टता हासिल गर्ने विद्यार्थी सचिन मेहतालाई सम्मान गरिएको थियो। त्रिजुद्ध माध्यमिक विद्यालयबाट एस इ इ परीक्षा दिएका मेहतालाई समाजले रु ५,१०० नगद, दोसल्ला र सम्मान पत्र प्रदान गर्दै अभिनन्दन गरेको हो।
त्यस अवसरमा पब्लिक टेक फाउन्डेशनको प्रायोजनमा तयार गरिएका टी(शर्टहरू फाउन्डेशनका निर्देशक महावीर जैसवालले समाजका अध्यक्ष थापालाई हस्तान्तरण गरेका थिए। उक्त टी(शर्टहरू प्रमुख अतिथि, अतिथिहरू र अध्यक्षको हातबाट समाजका सम्पूर्ण सदस्यहरूलाई वितरण गरिएको थियो।
कार्यक्रममा पर्सा जिल्ला फुटबल संघका अध्यक्ष रोशन गुप्ता, फोटो पत्रकार महासंघ, मधेश प्रदेशका अध्यक्ष पंकज श्रेष्ठ, डा. मनोज उपाध्याय, डा. प्रिटी यादव, सुभद्रा राणा भट्टराई, बिनोद धिमाल, पूर्ण गुरुङ, मनोज गुप्तालगायतको विशेष उपस्थिति रहेको थियो।
कार्यक्रमको सहजिकरण समाजका सल्लाहकार मार्टिन मोक्तानले गरेका थिए।
