बारा, जिराभवानी गाउँपालिका-१:
उपकार सेवा नेपालले बढ्दो गर्मी र भक्तजनहरूको सुविधालाई मध्यनजर गर्दै बाबा बटेश्वरनाथ जिराभवानी मन्दिर परिसरमा ५ थान सिलिङ्ग पंखाको व्यवस्था गरेको छ। भक्तजन तथा दर्शनार्थीहरूको स्वास्थ्य र सुविधा सुनिश्चित गर्न मन्दिर प्राङ्गणमै आयोजित एक विशेष कार्यक्रममा संस्थाकी अध्यक्ष विद्या कुमारी सरावगीले पंखाहरू मन्दिर संरक्षण समितिका सदस्य अनिरुद्ध प्रसाद महतो तथा पुजारी किशुन दासलाई हस्तान्तरण गरिन्।
उक्त कार्यक्रममा समाजिक अभियन्ता प्रकाश थारू, संस्थाका अभिभावक श्रीमती पद्मा देवी सरावगी, सदस्य सुमन बगेडिया, साथै स्थानीय भद्रभलाद्मीहरूको उल्लेखनीय उपस्थिति रहेको थियो।
उपकार सेवा नेपालले यस्ता सामाजिक तथा धार्मिक स्थलहरूमा निरन्तर सहयोग गर्दै आइरहेको छ, जसले समुदायमा सकारात्मक सन्देश प्रवाह गरेको छ।
आफ्नो प्रतिक्रिया दिनुहोस
