पर्सा — पोखरिया नगरपालिकाले आर्थिक वर्ष २०८२र८३ का लागि ४४ करोड ४० लाख रुपैयाँभन्दा बढीको अनुमानित बजेट सार्वजनिक गरेको छ। सोमबार सम्पन्न ९ औं नगरसभामा उपमेयर रुबी ठाकुरले नीति तथा कार्यक्रमसहितको बजेट प्रस्तुत गरिन्।
नगरपालिकाले सार्वजनिक गरेको बजेटमा शिक्षा, स्वास्थ्य, कृषि तथा भौतिक पूर्वाधार विकासलाई विशेष प्राथमिकता दिइएको छ। प्रमुख प्रशासकीय अधिकृत रामविनय सिंहका अनुसार बजेटले नगरवासीको जीवनस्तर उकास्न दीर्घकालीन योजनाहरुलाई समेट्ने प्रयास गरेको छ।
नगरसभा मेयर प्रदुमन चौहानको अध्यक्षतामा सम्पन्न भएको थियो। कार्यक्रममा उपमेयर ठाकुर, प्रशासकीय अधिकृत सिंह, वडाध्यक्ष, कार्यपालिका सदस्य, कर्मचारी तथा सरोकारवालाहरुको उपस्थिति रहेको थियो।
आफ्नो प्रतिक्रिया दिनुहोस
