वीरगन्ज कपडा बैंकले शुक्रबार वीरगन्जको घण्टाघरमा निस्शुल्क कपडा वितरण कार्यक्रम सम्पन्न गरेको छ। कार्यक्रम अन्तर्गत नयाँ र पुराना गरेर करिब ९ सय थान कपडा वितरण गरिएको कपडा बैंकका सचिव कन्हैया पटेलले जानकारी दिएका छन्।
कार्यक्रम कपडा बैंकका अध्यक्ष लालबाबू सिंहको अध्यक्षतामा सम्पन्न भयो भने प्रमुख अतिथि वरिष्ठ समाजसेवी अधिवक्ता सुरेन्द्र प्रसाद कुर्मी रहेका थिए। विशिष्ट अतिथिका रूपमा वडा नं। ९ का अध्यक्ष जवाहर प्रसाद गुप्ता सहभागी थिए।
संस्थाका अनुसार ‘जोसँग बढी छ, उसले दिएर जाओस्स जसलाई चाहिन्छ, उसले लिएर जाओस्’ भन्ने मूल मन्त्रसहित कपडा बैंकले पछिल्लो ६ वर्षदेखि निरन्तर रुपमा गरीब तथा असहायहरूलाई कपडा वितरण गर्दै आएको छ।
कार्यक्रममा समाजसेवी, युवा अभियन्ता, सामुदायिक प्रहरी प्रतिनिधि, स्थानीय नेताहरू तथा विभिन्न संघ–संस्थाका पदाधिकारीहरूको उपस्थिति रहेको थियो।
कपडा बैंकले नियमित रूपमा आइतबारदेखि शुक्रबारसम्म बिहान १०स्३० देखि साँझ ५ बजेसम्म कार्यालयमार्फत निस्शुल्क कपडा वितरण गर्दै आएको छ।
