बिरगंज – बिरगंज पब्लिक कलेजको आयोजनामा “मधेश, नेपालमा उद्यमशीलता र स्टार्ट-अप प्रणाली विकास” विषयक एक दिवसीय सेमिनार सोमबार सम्पन्न भएको छ। विश्वविद्यालय अनुदान आयोग, नेपाल (UGC) को सहयोगमा आयोजित उक्त सेमिनार बिरगंज पब्लिक कलेजको नयाँ भवनमा सोमबार सम्पन्न भएको छ ।
कार्यक्रममा विभिन्न क्षेत्रका व्यवसायी, नवप्रवर्तनकर्ता, विद्यार्थी तथा शैक्षिक विज्ञहरूको उपस्थिति रहेको थियो। सहभागीहरूले उद्यमशीलता प्रवर्द्धन र नवप्रवर्तन प्रणालीलाई अझ सुदृढ बनाउने उपायहरूबारे विचार विमर्श गरेका थिए ।
कार्यक्रम आयोजक संस्थाका अनुसार, यस किसिमका सेमिनारहरूले स्थानीय स्तरमा व्यवसायिक सोच र स्वरोजगारको अवसरलाई प्रवर्द्धन गर्न मद्दत पुर्याउने अपेक्षा गरिएको छ।
सेमिनारमा सहभागीहरुलाई आफ्ना अनुभव, अवलोकन र सुझाव प्रस्तुत गर्न आह्वान गरिएको थियो।
आफ्नो प्रतिक्रिया दिनुहोस
