वीरगन्ज,५ मंसीरः नेपालको लागि भारतबेन्ज गाडीको आधिकारिक बिक्रेता ओम्नी मोटर्स प्राईभेट लिमिटेडले मेगा सर्भिस क्याम्प २०२४ बुधबारदेखि सुरु गरेको छ । देशभरी रहेका आफ्ना ग्राहकलाई सेवाको पहुचलाई अझ प्रभावकारी बनाउँदै मेगा सर्भिस क्याम्प २०२४ सुरु गरिएको कम्पनिका सेल्स म्यानेजर राम श्रेष्ठले बताए।
श्रेष्ठका अनुसार यो क्याम्प मंसिर ५ देखि मंसिर १४ गते सम्म देशभरका वर्कशपहरूमा आयोजना गरिएको छ । देशभरमा रहेका वर्कशपहरुमा यो सर्भिस अन्तर्गत ग्राहकलाई विभिन्न प्रकारका सेवा र छुटका अफर प्रदान गरिने सेल्स म्यानेजर श्रेष्ठले बताए । यहि मेगा सर्भिस क्याम्पको मौका पारी २० थान २५२३ सि र १ थान ४०२३ सि टेलर बिक्रि गरीएको उनले बताए ।
ग्राहकको माग र आवश्यकता अनुसार, यस वर्षको मेगा सर्भिस क्याम्पमा स्पेयर पार्ट्समा ५०५ सम्म छुट, लुब्रिकेन्टमा ३०५ सम्म छुट र लेबर चार्जमा २०५ सम्म छुटको अफर ल्याएको कम्पनीका कस्टमर सर्भिस प्रमुख सुमन धमलाले जानकारी दिए ।
उनका अनुसार मेगा सर्भिस क्याम्प २०२४ को यो अभियानका माध्यमबाट, आफ्नो ग्राहकलाई थप सस्तो र प्रभावकारी सेवा प्रदान गर्न कम्पनिको दायित्व रहेको अवस्था छ ।
यस क्याम्पको मुख्य उद्देश्य भारतबेन्ज गाडीका मालिकहरूलाई उचित मर्मत र देखभाल सेवाहरू प्रदान गर्नु र गाडीको कार्यक्षमता र दीर्घायु सुनिश्चित गर्नु कम्पनिको उद्येश्य रहेको सेल्स हेड श्याम यादवले बताए ।
सन् २०१४ सालदेखि ओम्नी मोटर्स प्राईभेट लिमिटेडले नेपालमा भारतबेन्ज ब्रान्डको ट्रक र टिपरको बिक्री र सेवा प्रवद्र्धन गर्दै आएको यादवले बताए ।
