प्रणय साह ,पर्सा – बिहानी छिप्पिदै जाँदा सडक विस्तारै बेसुर्सदी हुँदैछ । बाटोमा तछाँडमछाड गर्दै गाडी गुडिरहेका छन् । पर्सा वीरगंज महानगरकाकेहि स्थानलाई अहिले राता रंगले लिपेको छ ।
फूलको परिचय गराउनु नयाँ कुरा होइन, देख्दैमा नाम निस्कन्छ, ‘गुलमोहर’ । गुलमोहरलाई फ्रान्समा ‘स्वर्गको फुल’ भनेर उपमा दिइन्छ । जसलाई यहाँ हेरिरहुँ, देखिरहुँ लाग्ने गुलमोहरले परिचित छ । वरिगंजकासडक किनारमा फक्रिरहेका यी फुल नजिक पुग्दा जो कोहीलाई अनुभुती हुन्छ साँच्चिकै स्वर्गमा पुगेजस्तो ।
सडकहरु प्राय भरिभराउ हुन्छन् । अघिपछि प्राय शुन्य रहने यी सडकहरुमा गुलमोहरसँग रामाउनेको भिड देख्न सकिन्छ । खाली सडकको विच र छेउ गुलमोहरका कारण झकिझकाउ छन् । सडकका विचमा लाइनबद्ध रोपिएका यी फुलले वीरगंजका सडकको शोभा नै फेरिएको छ ।
बसन्त ऋतुमा प्रकृतिले काँचुली फेरेर उमंग ल्याउँछ । हरियाली र रंगीचंगी फूलले प्रकृति सिँगारिन्छ । यही मौसममा सुनसान सडक किनारामा गुलमोहरले वीरगंजलाई थप मनमोहक बनाएको छ ।
फूलको नजिक गएर फोटो खिच्दा आकाशले नै रातो पछ्यौरी ओढिरहेको भान हुन्छ । प्रकृतिको यति अनुपम दृश्यहरु भने वीरगंज महानगरमा सहजै देख्न सकिन्छ ।
गुलमोहरले मधेश प्रदेशका एक मात्र वीरगंज महानगरको शोभा बढाएको छ । वीरगंज महानगर खण्डमा यात्रा गर्ने जो–कोही गुलमोहरलाई आफ्नो क्यामेरामा कैद गर्न छुटाउँदैन् ।
निकै आकर्षक रुपमा वीरगंजमा ढकमक्क फुलेको गुलमोहरको बोटमुनि छाहरीमा बस्ने गर्छन् ।
घरमा बस्दा बस्दै दिक्क भएर मनमा अशान्ति मच्चाए पनि गुलमोहरलाई नजिकै गएर निहाल्ने बित्तिकै मनमा नयाँ उल्लास र नयाँ उर्जा पलाउने महानगरका १५ का गेना साह बताउँछन् । तस्बिरः प्रहलाद चौरसिया ( अनलाईन न्यूज दैनिकका संवाददाता )
