वीरगन्ज ,०९ पुस । पर्सामा पूर्व प्रधानमन्त्री स्वर्गीय गिरिजा प्रसाद कोइरालाको पूर्णकदको शालिक पुन अनावरण गरिने भएको छ ।वीरगन्ज महानगरपालिका वडा नम्बर २ छपकैयाको इदगाह चोकमा पूर्व प्रधानमन्त्री एंव नेपाली काँग्रेसका पूर्व सभापति स्वर्गीय गिरिजा प्रसाद कोइरालाको पूर्णकदको शालिक पुन अनावरण गरिने भएको छ ।
गिरिजा प्रसाद (जिपी) कोईराला फाउण्डेशन पर्साले महानगर भित्रको इदगाह चोकमा निर्माण गरेको स्वर्गीय कोइरालाको शालिक मधेस आन्दोलनका क्रममा आन्दोलनकारीले भत्काएर ध्वस्त बनाएका थिए ।
त्यहि स्थानमा फाउन्डेसनले फेरि कोइरालाको नयाँ शालिक निर्माण गरि अनावरण गर्न लागेको हो । पुर्व प्रधानमन्त्री स्वर्गीय गिरिजा प्रसाद कोइरालाको १३ औं स्मृति दिवसमा चैत ७ गते कोइरालाको शालिक अनावरण गर्ने फाउन्डेसनका मधेस प्रदेश अध्यक्ष मोहम्मद शाहबुद्धिनले बताए ।
शनिबार वीरगन्जमा स्थित जिपी फाउन्डेसन पर्सामा बसेको बैठकले सोे निर्णय गरेको जानकारी उनले दिए । यस्तै बैठकले कोइरालाको स्मृति दिवसमा वीरगन्जमा आगामी फागुन २७ गते देखि मधेस प्रदेश स्तरीय फुटबल प्रतियोगिता आयोजना गर्ने निर्णय पनि गरेको छ ।
फाउण्डेसन मधेस प्रदेशका अध्यक्ष शाहाबुद्धिनको अध्यक्षतामा बसेको बैठकले पूर्व कोइरालाको स्मृति दिवसको अवसरमै मसिर ४ को र्निवाचनमा पर्साबाट र्निवाचित प्रतिनिधि सभा तथा प्रदेश सभा सदस्यहरुलाई पुस १५ गते सम्मान गर्ने र्निणय पनि गरेको फाउन्डेसनका कोषाध्यक्ष मनोहर साहले जानकारी दिए ।
बैठकमा फाउण्डेसन पर्साका उपाध्यक्ष जयमंगल कापर, सचिव धिरज कुमार गुप्ता ,सह सचिव मिन्टु देवि सिंह, कोषाध्यक्ष मनोहर कुमार साह, सदस्यहरु जितेन्द्र सिहं, बाबुनन्द प्रसाद पटेल, फाउण्डेसनका प्रेस सल्लाहकार इरफान अली लगायतको सहभागिता थियो ।
