बाराको परवानीपुर गाउँपालिकाको अध्यक्ष र उपाध्यक्ष पदमा नेकपा (एमाले)का उम्मेदवार विजयी भएका छन् । अध्यक्षमा एमालेका रामक्षत्रीप्रसाद कुर्मी विजयी भएका हुन् । उनले दुई हजार ९१७ मत प्राप्त गरे । उनका निकटतम प्रतिस्पर्धी लोसपाका जगतनारायण महतोले दुई हजार ४४३ मत पाएका छन् ।
यस्तै, नेपाली कांग्रेसका उम्मेदवार लालबाबुप्रसाद यादवले दुई हजार ४२६ मत ल्याउँदा जसपाका सन्जुसाह कानुले एक हजार ९६६ मत पाएको निर्वाचन आयोगले जनाएको छ ।
उपाध्यक्षमा निर्वाचित एमालेकी सुगान्धीदेवी कानुले तीन हजार २३२ मत प्राप्त गरिन् । उनका निकटतम प्रतिस्पर्धी लोसपाबाट उमेदवार बनेकी सावित्री देवीले दुई हजार ३८७ मत पाएकी छन् ।
यस्तै, कांग्रेसकी उम्मेदवार कुराननेसा खातुन दुई हजार १९४ मतका साथ तेस्रो भइन् । जसपाकी विन्दुकुमारी देवीले एक हजार ५७३ प्राप्त गरिन् ।
आफ्नो प्रतिक्रिया दिनुहोस
