वीरगञ्ज — पर्सामा फरक सोच र सक्षम नेतृत्वका रूपमा परिचित युवा व्यक्तित्व बलेन शाह पहिलो मधेशी प्रधानमन्त्री बनेको अवसरमा दीप प्रज्वलन गरेका छन्। वीरगञ्ज महानगरपालिका–१५ का जागरुक युवाहरू नेशनल मेडिकल कलेज स्थीत दीप प्रज्वलन साथै बधाई व्यक्त गरेका छन्।
शुकरबार साँझ एक कार्यक्रम को आयोजना स्थानीय युवाहरूको उल्लेखनीय सहभागिता को साथ बधाइ तथा शुभकामना दिँदै दीप प्रज्वलन गरेका थिए ।
युवाहरूले देशमा नयाँ राजनीतिक अध्यायको सुरुवात भएको भन्दै उत्साह प्रकट गरेका थिए। दीप प्रज्वलन कार्यक्रममार्फत युवाहरूले सकारात्मक सोच, सुशासन र विकासमुखी नेतृत्वको अपेक्षा समेत व्यक्त गरेका छन्।
कार्यक्रममा सहभागी युवाहरूले बलेन शाह को उदयले नेपाली राजनीतिमा नयाँ ऊर्जा थपिएको बताएका छन्। उनीहरूले परम्परागत राजनीतिक शैलीभन्दा फरक, पारदर्शी र परिणाममुखी कार्यशैलीको अपेक्षा राख्दै देशको समग्र विकासमा उहाँको नेतृत्व महत्वपूर्ण हुने विश्वास व्यक्त गरेका छन्।
स्थानीय युवा अगुवाहरूले मधेशी समुदायबाट पहिलो पटक प्रधानमन्त्री बन्नु ऐतिहासिक उपलब्धि भएको उल्लेख गर्दै यसले समावेशी शासन प्रणालीलाई थप सुदृढ बनाउने धारणा राखेका छन्।
उनीहरूले सबै वर्ग, क्षेत्र र समुदायको प्रतिनिधित्व सुनिश्चित हुने गरी नीति निर्माण र कार्यान्वयनमा जोड दिनुपर्ने बताएका छन्।
