समाजसेवाबाट संसदसम्म : बारा–२ मा आशाको नयाँ नाम — भैयाराम यादव

समाज र सामाजिक अभियन्ताका रूपमा वर्षौंदेखि गरिब, विपन्न तथा निमुखा समुदायको ढाल बनेर उभिँदै आएका भैयाराम यादव आज जनजनको विश्वास र चर्चाको केन्द्रमा हुनुहुन्छ। बारा क्षेत्र नम्बर २ बाट नेपाली कांग्रेसका तर्फबाट प्रतिनिधि सभा सदस्यका उम्मेदवार बनेका यादवलाई स्थानीयवासीले “आशाको उज्यालो” का रूपमा लिन थालेका छन्।
गरिब परिवारको जीविकोपार्जन, शिक्षा, स्वास्थ्य र आपतकालीन सहयोगमा समय–समयमा आफैँ उपस्थित हुने नेताका रूपमा चिनिएका यादव कुनै औपचारिक भाषणभन्दा बढी कामबाट चिनिनु भएको नेता हुनुहुन्छ। यही कारण आज बारा–२ का टोल, बस्ती र गाउँ–गाउँमा उनको नाम सम्मानका साथ लिइँदैछ।
विगतमा एउटै पार्टीले लगातार दुई पटक जिते पनि जनताका पीडा र अपेक्षातर्फ फर्केर नहेरेको अनुभूति बोकेको बारा–२ यसपटक परिवर्तनको खोजीमा छ। “अब जनता ठगिन चाहँदैनन्” भन्ने आवाज बलियो हुँदै गएको छ, र यही आवाजको प्रतिनिधि बनेका छन् — भैयाराम यादव।
दिन–रात समाजका लागि खटिँदै आएका यादवको राजनीतिक यात्रा आकस्मिक होइन, संघर्ष, सेवा र समर्पणको परिणाम हो। त्यसैले आज उनी कुनै प्रचारले होइन, जनताको अनुभव र विश्वासले चर्चाको शिखरमा पुगेका छन्।
बारा क्षेत्र नम्बर २ मा यसपटकको निर्वाचन केवल प्रतिस्पर्धा होइन,
सेवा बनाम स्वार्थ, काम बनाम भाषण र आशा बनाम निराशाको लडाइँ बनेको छ —
जहाँ जनताले भैयाराम यादवमा आफ्नै प्रतिनिधि देख्न थालेका छन्।