नेपाल सुनचाँदी व्यवसायि महासंघ मधेश प्रदेशको सचिव र कोषाध्यक्षमा निर्वाचत अनिल र बिजयको वीरगंजमा भव्य स्वागत र सम्मान,

नेपाल सुनचाँदी व्यवसायि महासंघ मधेश प्रदेशको सचिव र कोषाध्यक्षमा निर्वाचित भएका पदाधिकारीहरुलाई आज वीरगंजमा भव्य स्वागत र सम्मानित गरिएको छ । चैत्र ३ गते जनकपुरमा सम्पन्न तेस्रो अधिवेशनबाट मधेश प्रदेशको सचिवमा निर्वाचित भएका पर्साका अनिल कुमार सर्राफ र कोषाध्यक्षमा निर्वाचित भएका पर्साकै बिजय सर्राफलाई भव्य स्वागत र सम्मानित गरिएको हो । निर्वाचतद्वव सचिव र कोषाध्यक्षलाई नेपाल सुनचाँदी व्यवसायि महासंघ पर्साका अध्यक्ष भुलन सर्राफ, उपाध्यक्ष मनोज कुमार सर्राफ,सदस्य बिकाश कुमार सर्राफ,मनोज साह सोनार लगायतकाले फुलमाला र गम्छा ओढाई सम्मानित गरेका थिए । नवनिर्वाचित सचिव र कोषाध्यक्ष पर्सा जिल्लाको पनि सचिव र कोषाध्यक्ष हुन । निर्वाचित सचिव अनिल कुमार सर्राफले आफनो तिन बर्षे कार्यकालमा मधेश प्रदेशका ८ जिल्लाको सुन चाँदी व्यवसायिहरुको समस्या समाधान संगसंगै व्यवसायिहरुको हकहितको लागि काम गर्ने बताए ।
यसैगरि कोषाध्यक्ष बिजय सर्राफले ८ जिल्लामा अनलाईन प्रणालीलाई थप व्यवस्थित बनाउने र सुन व्यवसायिले भोग्दै आएको समस्या समाधान गर्ने दावी गरे । चैत्र ३ गते जनकपुरमा सम्पन्न अधिवेशनले रामजी साह सोनारको अध्यक्षतामा १० सदसिय कार्य समिती गठन गरेको छ । निर्वाचित सचिव र कोषाध्यक्षले वीरगंजमा रहेका सम्पुर्ण सुन पसल र कारिगरहरुलाई मिठाई समेत बाँडेका थिए ।