अल्पाईन टी २० क्रिकेट टुर्नामेन्ट २७ गते शनिबार देखि फागुन १९ गतेसम्म हुने

२५ माघ,वीरगञ्ज । अल्पाईन टी २० क्रिकेट टुर्नामेन्टको तयारी पुरा भएको छ । बिहीबार टुर्नामेन्टको आयोजक अल्पाईन माध्यमिक बिधालयले पत्रकार सम्मेलन गरि प्रतियोगिताको आयोजना गर्न गईरहेको जानकारी दिएको छ ।
वीरगञ्जमा आउदो शनिबार देखि वीरगञ्ज महानगरका अल्पाईन, मिनीलेन्ड, विपिएस, पीसजोन, ग्लोबल, बाल एकता, पर्सा म्यानेजमेन्ट, डेसिमल, मेरीगोल्ड, ममता माध्यमिक विधालयगरी १६ वटा निजी बिधालयहरुको सहभागितामा क्रिकेट टुर्नामेन्ट प्रतियोगिता हुन गईरहेको छ । सो प्रतियोगिता अगामी २७ गते शनिबार देखि फागुन १९ गतेसम्म हुने आयोजक अल्पाईन माध्यमिक बिधालयका सञ्चालक एवम् प्रतियोगिताका सँयोजक बिनोद कुमार उपाध्यायले जानकारी दिए ।
प्रतियोगितामा सहभागी भएका टिमहरुलाई चार वटा ग्रुपमा बिभाजन गरिएको तथा प्रतियोगिता वीरगञ्जको नारायणी रँगशालामा आयोजना हुने उपाध्यायले बताए । विगतको समयमा नेपालमा क्रिकेट खेलको क्रेज तिर्ब गतिमा बढीरहेकोले खेलाडीहरुको हौसला प्रदान गर्न र पर्सा जील्लामा क्रिकेट खेलाडीहरु राष्ट्रिय  रुपमा बढाउनका निमित सो प्रतियोगिता आयोजना गर्न गईरहेको प्रतियोगिता संयोजक विशाल कुमारले बताए । यस प्रतियोगितामा पर्सा क्रिकेट संघ लगायत क्रिकेटसंग सम्बन्धित निकायको पनि उपस्थी ति रहने अल्पाईन स्कुलका क्रिकेट कोच कलामुदिन अंसारीले जानकारी दिए । प्रतियोगिताको कुल लागत ६ लाख रहेको आयोजकले जानकारी दिएको छ । सो अवसरमा क्याम्पसका क्रिकेट खेलाडीहरु, अन्तराष्ट्रिय अम्पायर हिरालाल यादव, बासु कर्ण लगायत संचारकर्मीहरुको उपस्थीति रहेको थियो ।  पत्रकार सम्मेलनको संचालन पत्रकार राम मण्डल्ले गरेका थिए । पछिल्लो समय वीरगञ्जमा क्रिकेट प्रतियोगिताले तिब्रता पाएको छ ।