बारा — बाराको जीतपुरसिमरा उपमहानगरपालिका–२१ अमलेखगञ्जस्थित जंगलमा बाघको आक्रमणबाट ५० वर्षीय चन्द्रबहादुर ब्लोनको ज्यान गएको छ।
मंगलबार दिउँसो बाख्रा चराउन जंगल गएका ब्लोनको शव बुधबार बिहान दक्षिणकाली सामुदायिक वन क्षेत्रको जंगलमा फेला परेको हो। साँझसम्म पनि नफर्किएपछि आफन्त र स्थानीयले उनको खोजी गरिरहेका थिए। खोजीका क्रममा जंगलमा बाघले आक्रमण गरी क्षतविक्षत अवस्थामा ब्लोनको शव स्थानीयले भेटेका थिए।
जीतपुरसिमरा–२१ का वडाध्यक्ष सुवास श्रेष्ठका अनुसार घटना स्थलमा प्रहरी, जनप्रतिनिधि र स्थानीयवासी पुगेका छन्। अविवाहित ब्लोन लामो समयदेखि दिदीभिनाजुको घरमा बस्दै आएका थिए।
आफ्नो प्रतिक्रिया दिनुहोस
