बारा । बाराको सिमराबाट प्रहरीले श्रोत खुल्न नसकेको १३ लाख बढी रकमसहित एक युवकलाई पक्राउ गरेको छ । पक्राउ पर्नेमा वीरगन्ज महानगरपालिका वडा नम्बर १६ का २० वर्षीय सुरज कुशवाहा रहेका छन् ।
सिमरा चोकदेखि सिमरा विमानस्थलतर्फ जाँदै गरेका कुशवाहालाई प्रहरीले रोकेर उनको साथमा रहेको झोला खानतलासी गर्दा झोलबाट १३ लाख ७ हजार ५ सय रुपैयाँ बरामद भएको प्रहरी नायब उपरीक्षक वेद प्रकाश जोशीले बताए । झोलबाट नेपाली १ हजार दरको १ हजार ६७ थान, पाँच सय दरको ४ सय ८० थान रएक सय दरको ५ थान नोट गरी कुल १३ लाख ७ हजार ५ सय रुपैयाँ फेला पारेको उनले बताए ।
कुशवाहाको साथबाट बरामद रकमको श्रोत खुल्न नसकेपछि रकमसहित उनलाई नियन्त्रणमा लिइएको प्रहरी नायब उपरीक्षक जोशीले बताए । कुशवाहाको साथबाट विभिन्न व्यवायिक बील,भौचर र सागर मनि ट्रान्सफर वीरगन्जको स्टाम्प समेत बरामद भएको प्रहरीले जनाएको छ । बरामद रकम हुण्डी कारोबारकोे रहेको हुनसक्ने र यसबारेमा अनुसन्धान भइरहेको प्रहरी नायब उपरक्षिक जोशीले बताए ।
