स्वतन्त्र उम्मेदवार द्विवेदीलाई नेशनल प्याब्सन पर्साको समर्थन

वीरगंज २८ कात्तिक ।
पर्सा क्षेत्र नं. १ बाट स्वतन्त्र उम्मेदवारी दिएका अजय कुमार द्विवेदीलाई चौतर्फी समर्थन पाईरहेको बेला सोमबार नेशनल प्याब्सन पर्सा जिल्ला कमिटीले सम्मान सहित समर्थन गरेको छ ।
वीरगंज लिंकरोड स्थित भवानी हस्पिटलको सभाकक्षमा एक कार्यक्रमको आयोजना गरि पर्सा क्षेत्र नं. १ का स्वतन्त्र उमेदवार अजय कुमार द्विबेदीलाई सम्मान सहित निर्वाचनमा अत्याधिक मतले विजयी बनाउन सहयोग गर्ने बताउदै समर्थन जनाएको छ ।
सो कार्यक्रमलाई सम्बोधन गर्दै स्वतन्त्र उम्मेदवार द्विवेदीले मधेस आन्दोलनमा सबै भन्दा ठुलो योगदान रहेको पर्साको निर्वाचन क्षेत्र नम्बर १ का जनताले यसअघि मधेस आन्दोलनमा गोली चलाउन लगाउने केपि ओरी सरकारकै झोलीमा मधेसी पार्टी गएको आरोप लगाउदै आफ्नो चुनाव चिन्ह माछा छापमा मतदान गर्न आग्रह गरेका थिए ।
बिगत ५ बर्षदेखी मधेस प्रदेशमा बढ्दै गएको भ्रष्टाचारको बिरुद्धमा स्वतन्त्र उम्मेदवारी दिएकाको बताउदै अजय द्विवेदीले बिगत ५ बर्षदेखी यस क्षेत्रमा गुण्डाराज मौलाएको छ, त्यो गुन्डाराज समाप्त पार्नको लागि यसपालि स्वतन्त्र उम्मेदवारलाई नै निर्वाचित गराउन सम्पूर्णमा आग्रह गरेका थिए ।
नेशनल प्याब्शन पर्साका जिल्ला अध्यक्ष राम कुमार श्रेष्ठको अध्यक्षतामा भएको सो कार्यक्रममा नेशनल प्याब्शनका लगभग ३५ वटा बिद्यालयका निर्देशक तथा प्रधानाध्यापकहरुको उपस्थिति रहेको थियो ।