सिमराः जीतपुरसिमरा उपमहानगरपालिकामा कार्यरत सबइन्जिनियर राजेश रायको सवारी दुर्घटनामा परी मृत्यु भएको छ । जनकपुरबाट फर्कने क्रममा आईतवार राती राय चढेको कार दुर्घटनामा परेको हो ।
दुर्घटनाको पूर्ण विवरण आउन बाँकी छ । रायको दुर्घटनामा परी मृत्यु भएको पुष्टि भने भईसकेको छ । जीतपुरसिमराका नगर प्रमुख राजन पौडेलले सामाजिक संजाल फेसबुकमार्फत रायप्रति श्रद्धान्जली व्यक्त गरेका छन् ।
राय उपमहानगरपालिकाको वडा नं. २१ स्थित वडा कार्यालयमा कार्यरत रहेका थिए । वडा नं. २१ का वडाध्यक्ष सुवास श्रेष्ठले इन्जिनियर रायको दुर्घटनामा परी निधन भएको खबर आफूले प्राप्त गरेको बताए ।
राय केही महिना अघि मात्रै विवाह बन्धन बाधिएका थिए ।
आफ्नो प्रतिक्रिया दिनुहोस
